Zenq.am

Zenq.am

ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ

Որսի չգրված կանոնները

Որսի կանոններ

  1. Կրակոցի ժամանակ առավել ուշադրություն դարձրու թիրախին, իսկ զենքի նշանաձողին նայիր կողային տեսողությամբ:
  2. Խոցեցիր թռչունին թփուտների վերևում – հայացքդ մի´ թեքիր նրա անկման վայրից. մեծ հավանականությամբ կկորցնես որսդ:
  3. Եթե տեսնում ես, որ թռչունը վիրավոր է և ընկնում է թփուտների մեջ, երկրորդ կրակոցով նրան խոցիր. անպայման վերջացրու սկսածդ գործը. մի թող, որ որսը տանջվի:
  4. Վիրավոր կենդանուն մոտենալիս վերալիցքավորի´ր զենքդ:
  5. Վիրավոր վարազին, եղնիկին մոտեցիր հետևից. եթե ականջները սեղմված են, ապա նա ողջ է:
  6. Մի´ կրակիր, եթե վստահ չես, որ թիրախը որսն է:
  7. Որսաշատ վայրերում հետդ պայուսակ տար. ձեռքում պահված որսը խանգարում է կրակել:
  8. Տեսար, որ որսը շաժվում է դեպի քեզ, սառիր. շարժվես-կվախեցնես:
  9. «Կանգնեցիր համարի» – մաքրիր ոտքերի տակ գտնվող թերևները, ճյուղերը. ամենապատասխանատու պահին նրանք կարող են մատնել քո տեղը:
  10. Ընկար – ստուգիր փողերը. նրանում առկա կեղտը փողերի պատռման պատճառ կարող է դառնալ:
  11. Չի´ կարելի կրակել որսին, որը շարժվում է ընկերոջդ ուղղությամբ:
  12. Եթե փամփուշտը դժվարությամբ է մտնում փամփշտանոց, ավելի լավ է փոխարինիր այն:
  13. Զենքի չկրակելու դեպքում սպասիր 10-20վրկ. չբացելով փմփշտանոցը. կարող է տեղի ունենալ ուշացած կրակով:
  14. Զենքի բացման կամ քանդման դեպքում միշտ փողերն ուղղիր այլ ուղղությամբ, իսկ փամփշտանոցը դեպի քեզ:
  15. Եթե նույն որսին կրակել են մի քանի որսորդներ առանց ակնհայտ խոցման, իսկ որսը, որոշակի տարածություն գնալով կամ թռնելով, ընկել է, ապա այն տնօրինում է վերջին կրակողը. խոշոր որսը տնօրինում է նա, ով վերջնականապես կանգնեցրել է նրան:
  16. Ոչ մի պարագայում վիրավոր որսին մի սատկացրու՝ զենքով նրան հարվածելու միջոցով. կարող է վնասվել խզակոթը կամ տեղի ունենալ կրակոց:
  17. Ցեխոտ վայր գնալու դեպքում ձեռքումդ հաստ ճյուղ պահիր, լավ կլինի կեռ ծայրով:
  18. Որսի գնալուց մոտդ զենքի յուղ և լաթ պահիր:
  19. Մինչ հահճուտներ մտնելը մտածիր այնտեղից դուրս գալու մասին, նշմարի կողմնորոշիչներ:
  20. Եթե մոլորվել ես, խուճապի մի´ մատնվիր, փորձիր կողմնորոշվել արևով, աստղերով և այլ կողմնորոշիչներով:
  21. Մի´ թույլատրիր շանդ թռնել քո վրա, երբ ձեռքումդ գտնվող զենքը լիցքավորված է. որսորդական շների համար այն վատ սովորություն է:
  22. Ցանկացած խմբակային որսի ժամանակ՝ իմացիր, թե որտեղ են գտնվում ընկերներդ, նրանց ցույց տուր գտնվելուդ վայրը:
  23. Խմբակային որսի ժամանակ խոշոր որսի սպանողին է պատկանում կենդանու գլուխը և սուբապրանքները, իսկ մնացածը բաժանվում է մյուս մասնակիցների միջև:
  24. Առաջինը կրակում է նա, ում մոտ հայտնվել է որսը, նրա կրակոցից հետո կրակում են մյուսները:
  25. Խմբակային որսի ժամանակ ղեկավարում է մեկ մարդ, իսկ մյուսներն անկախ իրենց ով լինելուց, ենթարկվում են նրան: Ղեկավարին որսի մյուս մասնակիցները կարող են կոռեկտության սահմաններում առաջարկություններ անել:
  26. Վրիպած կրակողին նկատողություն են անում հարգալից:
  27. Եթե որսի ես գնացել օտար կոլեկտիվի հետ, ապա պահիր քեզ հյուրի պես:
  28. Որսի ժամանակ բոլորը հավասար են՝ տարածքի կամ շինության մաքրություն, սպասքը լվանալ, սնունդ պատրաստել և այլն:
  29. Շներով որսի ժամանակ թռչնի թռիչքի ուղղությունը բաժանիր սեկտորների:
  30. Առաջին անգամ վարազ կամ այլ խոշոր կենդանի որսալու դեպքում տարիքով մեծ և փորձառու որսորդը սպանված գազանի արյունից մի փոքր կքսի Ձեր դեմքին. սա որսորդի ինքնատիպ «օծման արարողություն» է:
  31. Որսի ժամանակ որսորդը կամ պետք է զբաղվի որսով, կամ խմի ալկոհոլ. անընդունելի է խմած որսով զբաղվելը:
  32. Զենքը վերցրա այնպես, որ փողերն ուղղված չլինեն դեպի քեզ:
  33. Ոչ մի պարագայում չի կարելի վերցնել ուրիշի զենքը կամ ստուգել նրա փամփշտանոցը:  
  34. Երկարատև հանգստի դեպքում բոլոր զենքերը պետք է լիցքաթավեն. երկփողանի հրացանները պետք է ծալված լինեն, իսկ կիսաավտոմատների պահունակներում կարող են գտնվել փամփուշտներ, իսկ փամփշտանոցում՝ ոչ:
  35. Որսի բացման ազդանշան է ծառայում որսորդական հրացանից կրկնակի կրակը:
  36. Որսի ավարտը ազդարարվում է որսորդական «շեփոր»-ի սուլոցով:

Թեգեր չկան

  

Վերջիները Որսի կանոններ-ում

  • Որսի չգրված կանոնները

    Կրակոցի ժամանակ առավել ուշադրություն դարձրու թիրախին, իսկ զենքի նշանաձողին նայիր կողային տ...