ՄԻՋՈՒԿԱՅԻՆ ԶԵՆՔԻ ԿԻՐԱՌՄԱՆ ՀԵՏԵՎԱՆՔՆԵՐԸ!
Միջուկային զենքը զանգվածային ոչնչացման զենք է, որի պայթյունից առաջանում է՝
– հարվածային ալիք,
– լուսային ճառագայթում,
– ներթափանցող ճառագայթում,
– էլեկտրամագնիսական իմպուլս,
– տեղանքի ռադիոակտիվ վարակում:
Այս զենքի կիրառման ժամանակ միջուկային պայթյունները լինում են.
ա. բարձրագործ,
բ. օդային,
գ. վերգետնյա,
դ. ստորգետնյա,
ե. ստորջրյա:
Պայթյունից հետո ռադիոակտիվ վարակում է ստանում հողը, ջուրը, օդը, մարդը, կենդանական և բուսական աշխարհը!
Աշխատունակության կորուստ չեն առաջացնում հետևյալ ճառագաթյման դոզաները՝
– 50Ռ – 4 օրվա ընթացքում,
– 100Ռ – 10-30 օրվա ընթացքում (գյուղատնտեսական կենդանիների մոտ չի առաջացնում մթերատվության և աշխատունակության անկում),
– 200Ռ – 3 ամսվա ընթացքում,
– 300Ռ – 1 տարվա ընթացքում:
Վերը շարադրվածից բարձր դոզաների դեպքում կենդանիների և մարդկանց մոտ առաջանում են ճառագայթային հիվանդություններ հետևյալ աստիճանների՝
ա. ԹԵԹԵՎ.
– մարդկանց մոտ առաջ է գալիս ընդհանուր թուլություն, գլխացավ, արյան մեջ նվազում են լեյկոցիտները:
– կենդանիները հրաժարվում են ուտելուց:
բ. ՄԻՋԻՆ.
– մարդկանց մոտ խախտվում է նյարդային համակարգի ֆունկցիան, լեյկոցիտների քանակը կիսով չափ նվազում է: Բարդությունների դեպքում հիվանդների մոտ 20%-ը մահանում է:
– Ոչխարների բուրդը թափվում է, արդյունքում մոտ 10-15%-ը սատկում է:
գ. ԾԱՆՐ.
– մարդկանց մոտ նկատվում են ուժեղ գլխացավեր, լինում են գիտակցության կորուստներ, փորհարինք, փսխումներ, լեյկոցիտների քանակը կտրուկ նվազում է. բուժում չանցածների գրեթե կեսը մահանում է:
– Կենդանիների մոտ նկատվում է ջերմաստիճանի բարձրացում, մազի և բրդի թափում, արդյունքում սատկում է մոտ 60%-ը:
դ. ԱՌԱՎԵԼ ԾԱՆՐ.
– համապատասխան բուժում չանցած հիվանդների 80-100%-ը մահանում է:
– Կենդանիները սատկում են 10-15 օրվա ընթացքում:
”Բեկում ռազմավարական նախաձեռնությունների կենտրոն՛՛-ը հավատարիմ է իր կանոնադրական նպտակներին և ամենօրյա աշխատանքով փորձում է լուծել դրանից բխող խնդիրները!
