Zenq.am

Zenq.am

ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ

Ձուկ սիգ

Zenq.amZenq.am Ինֆո 25.10.2018

Չիռ/շոկուր

Նկարագիր. Սիգ ձուկը տարբերվում է իր բազմազանությամբ: Գլուխը փոքր է, դունչը՝ սուր: Թեփուկները համեմատաբար խոշոր են: Մարմնի ընդհանուր գունավորումն արծաթափայլ է՝ երկնագույն նրբերանգով: Մեջքը մուգ կանաչ է, մոխրագույն կամ գրեթե սև, կողքերը՝ արծաթավուն, փորիկը՝ սպիտակ: Ձուկն ունի փոքր բերան վերինծնոտային ոսկրով, որն աչքերից այն կողմ չի շարունակվում: Վերին ծնոտում ատամները բացակայում են: Բերանի մյուս հատվածներում ատամները ժամանակի ընթացքում անհետանում են: Սիգը եզակի և արժեքավոր ձուկ է: Ձկան միսը սպիտակ գույն է: Յուղը պարունակում է վիտամիններ, որոնք կենսականորեն անհրաժեշտ են մարդու օրգանիզմի համար:

Տեսակը. Սիգ
Ընտանիքը. Պատկանում է սաղմոնների ընտանիքին:
Կյանքի տևողությունը. Մինչև 20տարի
Երկարությունը. Մանր սիգ – 10-15սմ
                               Խոշոր սիգ – 30-60սմ
Զանգվածը. 1-12 կգ
Ձվադրումը. Սիգը սեռահասուն է դառնում 2-3 տարում։ Ձվադրումը տեղի է ունենում նոյեմբեր ամսին առափնյա ծանծաղուտներում, որոնք առատորեն ծածկված են թփերով։ Լճի սիգը ձվադրում և ապրում է մեկ լճի սահմանում։ Գետի սիգը ձվադրում է այն գետում, որում մշտապես բնակվում է։ Իսկ գետալճային Էգ սիգը բարձրանում է իր բնակության լիճ թափվող գետի հունով՝ լողալով ջրի հոսքին հակառակ:

Ատլանտյան

Սնունդը. Կերակրվում է ամբողջ տարվա, այդ թվում ՝ ձմռան ընթացքում: Սիգ ձկները գիշատիչներ են: Նրանց սնունդը բաղկացած է տարբեր կենդանիներից՝ միջատներ, բենտոսներ (ջրամբարների գրունտային մասում բնակվող օրգանիզմներ), որդեր, կակղամորթեր, երբեմն՝ սեփական ձկնկիթեր, գետակի թրթուրներ, թրթրան մոծակներ, ցիկլոպներ, ջրալուներ: Խոշոր սիգերը որսում են նաև մանրաձկներին:
Ձկնորսությունը. Ամռանը սիգը լողում է գետի երկայնքով սնունդ փնտրելու համար: Սիգ որսալու համար պետք է փնտրել այն հակառակ հոսքով փոսերում, ծանծաղուտներում արևոտ եղանակին: Գարնանը սիգերը հաճախ հանդիպում են մանրաձկների կուտակման վայրերում և ցանկացած մանր ձկների երամակների մոտ: Ձմռանը ամենաորսառատ ժամանակաշրջանը ձկնորսության համար համարվում է վերջին սառցաշրջանը: Մոծակի թրթուրներին սիգը գրեթե միշտ անտեսում է: Ձմռանը խոշոր ձկներին որսում են շատ հազվադեպ: Ձկների խայծումը ոչ կտրուկ է, թույլ է դիմադրում ջրից դուրս բերելու ժամանակ: Սիգը հանդիսանում է սպորտային ձկնորսության հետաքրքիր օբյեկտ:
Պարագաներ. Ստորջրյա ամրալար, ձմեռային կարթաթել, նավակից կախված «թրթրան» մեթոդ (метод «тюкань»), փայլախայծ կարթաձողի առաջնամասում տեղադրվող տատանվող ազդանշանով(мормышка с кивком), բարակ ծածանվող կարթաթելերով համալրված սպինինգ, չոր կամ կենդանի միջատ խայծերով նախլիստ:

Բնակության վայրը. Սևանա լիճ (Հայաստան), Չուդի լիճ (Հյուսիսային և արևմտյան ափերը պատկանում են Էստոնիայի Հանրապետությանը, արևելյանը՝ Ռուսաստանի Դաշնությանը),Բալթիկ ծով, Հյուսիսային ծով (Ատլանտյան օվկիանոսի ծայրամասային ծով Եվրոպայի ափերի մոտ), Ֆիննական ծոց( ծոց Բալթիկ ծովի արևելյան մասում, Ռուսաստանի, Էստոնիայի և Ֆինլանդիայի միջև), Հյուսիսային Դվինա ( գետ Ռուսաստանի եվրոպական մասի հյուսիսում), Վիգա գետ(Ռուսաստան), Սոն գետ (գետ Ֆրանսիայում, Ռոնի վտակը) , Պեչոյալ գետ (գետ Ռուսաստանում, հոսում է Կոմի Հանրապետությունով), Մեզեն գետ(գետ Ռուսաստանում, հոսում է Արխանգելսկի մարզում),Կոլայի թերակղզի(Ռուսաստան Մուրմանսկի մարզ), Հյուսիսային սառուցյալ օվկիանոս:
Ամենատարածված սիգ ձկների տեսակները. Մեծաբերան մանրաձուկ, անտլանտյան սիգ, սպիտակ սիգ (лудога), չիռ (շոկուր), չուդի սիգ, բաունտյան սիգ, սպիտակ սաղմոն (омуль, муксун), տուգուն, սիբիրյան (պիժյան), վոլխովյան սիգ, վալաամկա (վալաամյան), եվրոպական մանրաձուկ, բալթյան սիգ:

 

Սիգ ձկան սննդային արժեքը և քիմիական բաղադրությունը 100գ մթերքում

Ճարպ 2 գ
Սպիտակուց 17,5 գ
Ծծումբ (S) 175 մգ
Ջուր 69 գ
Ցինկ (Zn) 0,69 մգ
Մոլիբդեն (Mo) 3,9 մկգ
Քլոր (Cl) 164 մգ
Ֆտոր (F) 429 մկգ
Քրոմ (Cr) 55 մկգ
Նիկել (Ni) 5,9 մկգ
Վիտամին РР 2,899 մգ
Վիտամիններ A,B1,B2,C, D ,E