Նկարագիր. Թունաձկան մարմնի կառուցվածքը իլիկաձև է: Գլուխը և աչքերը մեծ են, ներքին ծնոտն առաջ է եկած: Այս ձկնատեսակի առանձնահատկությունն է լայն լողաթևերը, որոնք ունեն 13 կամ 14 մեջքի շիպեր:  Մեջքը մուգ կապույտ է, իսկ փորն ավելի բաց երանգ ունի : Առաջին լողաթևը մուգ դեղնավուն է, իսկ մնացած լողաթևերը` վառ դեղնավուն մուգ ծայրերով: Պոչամասի լողաթևը ակնհայտ փորոքով է: Չուի (ծովային ձկների պարբերական գաղթ) ընթացքում մեծակն թունաձուկը սուզվում է ավելի խորը և հասնում սառը ջրի հատակը (մինչև 200 մ և ավելի), որը մյուս տեսակներին հատուկ չէ: Այնտեղ նա սնվում է առատորեն և սրտի աշխատանքն ավելի ակտիվ է դառնում:
Թագավորությունը. Կենդանիներ:
Տիպը. Քորդավորներ:
Ենթատիպը. Ողնաշարավորներ:
Խումբը. Ձկներ:
Դասը. Ճառագայթափետրավոր (Лучеперые ):
Տեսակը. Թունաձուկ:
Ընտանիքը. Պատկանում է թյունիկավորների ընտանիքին:
Ենթատեսակը. Մեծակն թունաձուկ:
Կյանքի տևողությունը. Հնդկական օվկիանոսում ` 8 տարի, Ատլանտյան օվկիանոսում` 9 տարի, Խաղաղ օվկիանոսում ` 16 տարի:
Մարմնի երկարությունը. Առավելագույն մարմնի երկարությունը 250 սմ:
Զանգվածը. Առավելագույն զանգվածը 200 կգ:
Ձվադրումը. Մեծակն թունաձկան բազմացումը կատարվում է արևադարձային գոտում: Թունաձուկը սեռահասուն է դառնում կյանքի 2-3 տարում։ Խաղաղ օվկիանոսի արևելքում ձվադրումը տեղի է ունենում ապրիլից մինչև սեպտեմբեր , հյուսիսային կիսագնդում՝ հունվարից մինչև մարտ: Պտղաբերությունը տատանվում է 2,9 մինչև 6,3 մլն ձկնկիթների միջև: 1-2 օր անց ձկնկիթների միջից դուրս են գալիս մանրաձկները: Նրանք անմիջապես սկսում են սնվել ինքնուրույն:
Սնունդը. Մեծակն թունաձուկը սնվում է ձկներով, խեցեմորթ կենդանիներով և կաղամարներով: Խոր ջրերում ապրող ձկներով՝ հյուսիսային վերետեննիկներ , կենդանակուլեր (живоглот) , հեմպիլայներ, ալիպիզավրներ (алепизавры), կաղմարներ , ութոտնուկներ և ծովախեցգետիններ:

Բնակության վայրը. Բնակվում է Ատլանտյան, Խաղաղ և Հնդկական օվկիանոսների տաք ջրերում:
Ձկնորսությունը. Մեծակն թունաձուկը գտնվում է անհետացման եզրին: «Գրինպիս» (միջազգային անկախ ոչ կառավարական էկոլոգիական ընկերություն) ընկերությունը թունաձուկը գրանցել է «Մթերքների կարմիր ցուցակում», որպեսզի պահպանի անհետացող տեսակի քանակությունը և չվնասի էկոհամակարգը: Մեծակն թունաձուկը գրանցված է Միջազգային Կարմիր գրքում: Արգելվում է այս ձկնատեսակի որսը: