Քանի որ ՀՀ պաշտպանական համակարգն ունի բոլորիս կարիքը, ապա​ ըստ առաջնահերթության անհրաժեշտ է գույքագրել հասարակական այն ինստիտուտները, որոնց կարելի է օգտագործել երկակի նշանակությամբ։
Ինչու հասարակական, քանի որ նշված գործունեությամբ զբաղվում են կամավորները, որոնք, որպես կանոն, այդ ամենն անում են գիտակցաբար, սիրով և նվիրումով։ Նման կայացած ինստիտուտներից է որսորդությունը։ Նշված զբաղմունքը մի զգալի մասի մոտ տարիների ընթացքում ձևավորում է որոշակի անհրաժեշտ հմտություններ.
1. բնության ճանաչում
2. տեղանքում կողմնորոշում
3. քայլարշավային հմտություններ
4. հետքաբանություն
5. վտանգը զգալու զարգացած բնազդ
6. գոյատևման հմտություններ
7. քողարկվելու և դարանակալման հմտություններ
8. տեխնիկական միջոցների’տարբեր եղանակային պայմաններում​ օգտագործման հմտություններ
9. թիրախը ֆիքսելու և զենքի արագ գործադրման ունակություն,
10. անորոշության և վախի հանդեպ ընկճախտի (սթրես) հաղթահարում
11. այլ հարակից հմտություններ։
Այստեղ տեղին է հիշել հայտնի ասացվածքը “հաճելին համատեղել օգտակարի հետ”:
Ինչ է սա նշանակում. հիմնականում մարզերում բնակվող որսորդները պայմանագրային հիմունքներով​ կցագրվում են տեղի զորամասերին և նրանց մատուցում են ուղեկցորդի ծառայություններ.
1. Խաղաղ պայմաններում նրանք գործող ստորաբաժանումների կազմում պարբերաբար մասնակցում են տեղանքի ուսումնասիրմանը’ նախանշում նահանջի և հարձակման արահետները, զորքերի և ՍՌՏ տեղակայման պահեստային վայրերը, նախանշում և տեղադրում կողմնորոշիչներ, զորքին փոխանցում իրենց մոտ կուտակված փորձը և այլն։
2. Պատերազմական ժամանակ վերոհիշյալ ծառայությունները մատուցում են նաև մոբիլիզացիոն և այլ օգնող ուժերին։
Սա մի շարք կարևոր գործոնների շարքում տալիս է առաջնահերթություն օպերատիվության առումով, որն էլ ռազմական դրության ժամանակ ապահովելու է զորքերի կենսունակությունը։
Ինչպես կարելի է հասնել այս ամենին. իհարկե, շահագրգռելով և օրենքի ուժով.
ա. շահագրգռել կարելի է նյութապես’ ծառայությունների մատուցման կամ ամենամսյա աշխատավարձի տեսքով (չհաշված հավելավճարներ մարտական գործողությունների ժամանակ) և որոշակի սոցիալական արտոնություններով։​
բ. Օրենսդրական փոփոխությունների շարքում անհրաժեշտ է փոփոխել ՀՀ զենքի ու ՀՀ որսի և որսորդության տնտեսության վարման մասին օրենքները, որոնցով որսորդական զենք ձեռք բերողներին կարելի է բաժանել երկու մասի`
ա. որսորդներ
բ. հրաձիգներ։
Այս պարագայում որսորդությամբ զբաղվելու թույլտվության ստանալու պարտադիր պայման է հանդիսանալու ՀՀ ԶՈւ-ին և այլ զորքերին պայմանագրային հիմունքներով ուղեկցողի ծառայություն մատուցելը, մնացյալ բոլոր դեպքերում ՀՀ քաղաքացիները կարող են ձեռք բերել որսորդական զենք և այն գործածել բացառապես հրաձգարաններում։ Շարունակելի…

ԲԵԿՈՒՄ
ՌԱԶՄԱՎԱՐԱԿԱՆ
ՆԱԽԱՁԵՌՆՈՒԹՅՈՒՆՆԵՐԻ
ԿԵՆՏՐՈՆ