Որսի ժամանակ որսորդի համար կարևոր գործոններից մեկը զենքի հետ անվտանգ վարվեցողությունն է, որի հմտությունները նրա մոտ մշակվում են տարիների ընթացքում: Ամենաանվտանգն է համարվում, երբ հրացանը կախված է ուսից, իսկ փողերն ուղղված են վերև: Սակայն այս դիրքից դժվար է արագ նշանառել հանկարծակի հանդիպած որսին:
Հրացան կրելու մնացած բոլոր դիրքերը, համեմատ վերոհիշյալի, նվազ անվտանգ են, հատկապես, երբ զենքը ապահովիչի դրված չէ: Եթե Դուք արագ նշանառության ժամանակ մեխանիկորեն հանում եք զենքը ապահովիչի ռեժիմից, ապա որսաշատ վայրերում կարող եք զենքը կրել փոխեփոխ տարբեր դիրքերով, որպեսզի հավասարաչափ աշխատեն տարբեր մկանային խմբեր: Արագ նշանառությունն ու հրաձգությունը ապահովվում է այն դեպքում, երբ որսորդը մի ձեռքով բռնում է խզակոթի վզիկից, մյուս ձեռքով փողկալը, իսկ խզակոթը գտնվում է թևի տակ , որը, սակայն, հարմար չէ երկար քայլելու համար: